Estate Support Dienste

Bestorwe boedeladministrasie


Estate Support hanteer alles, van A-Z, rakende enige papierwerk rondom u bestorwe boedel en tree ook op as eksekuteur vir bestorwe boedels. In kort hanteer ons namens u die volgende proses:
  • Doen aansoek vir ʼn Eksekuteursbrief by die Meester van die Hooggeregshof.
  • Adverteer die boedel in die Staatskoerant asook ʼn plaaslike koerant.
  • Voorbereiding van likwidasie- en distribusierekening asook advertering daarvan na inspeksie deur die Meester.
  • Die berekening van alle belasting betaalbaar asook die voorbereiding van alle SARS dokumentasie.
  • Alhoewel hierdie prosedure kort voorkom, kan die afhandeling van ʼn boedel 6-24 maande neem.

Die volgende dokumente sal nodig wees om die proses te begin:

  • Laaste getekende oorspronklike testament of besonderhede van waar dit gevind kan word.
  • Oorledene se identiteitsdokument.
  • Doodsertifikaat.
  • Huweliksertifikaat.
  • Voorhuwelikse kontrak (indien van toepassing).
  • Naam en sterfdatum van enige vooroorlede gade (indien van toepassing).
  • Egskeidingsbevel en skikkingsooreenkoms (indien van toepassing).
  • Afskrifte van identiteitsdokumente van al die erfgename.
  • Posadresse en kontakbesonderhede van al die erfgename.
  • Pensioennommer, naam en adres van pensioenfonds.
  • Lidnommer, naam en adres van mediese fonds.
  • Inkomstebelastingverwysingsnommer.
  • BTW registrasienommer (indien van toepassing).
  • Titelaktes / Deeltitel aktes / Tyddeel sertifikate of besonderhede waar verkrygbaar.
  • Huurkontrakte.
  • Vuurwapenlisensies.
  • Voertuig registrasienommer sertifikate.
  • Aandeelsertifikate of naam van instelling waar portefeulje bestuur word.
  • Effektetrust sertifikate / kennisgewings.
  • Enige ander beleggingsertifikate.
  • Laaste tjekboek en bankstaat.
  • Verbandstate.
  • Promesses ten opsigte van lenings verskuldig aan die boedel.
  • Kredietkaarte en enige ander bankkaarte.
  • Lewensversekeringspolisse of volledige besonderhede.
  • Korttermynversekeringspolisse of volledige besonderhede.
  • Vennootskapsooreenkomste, aankoop en verkoopooreenkomste asook nuutste finansiële state ten opsigte van enige besigheid (indien van toepassing).
  • Koopkontrakte waarin die oorledene 'n belang het.
  • Besonderhede van alle skuld verskuldig deur die oorledene.
  • Leningsrekeninge van alle besigheidsentiteite.
  • Aandeel / belang in enige besigheidsentiteite.

Van die kostes betrokke by die administrasie van ʼn bestorwe boedel kan die volgende insluit:

  • Meestersfooie (beperk tot R600).
  • Eksekuteursfooie (beperk tot 3.5% van bruto waarde van die boedel en 6% van alle inkomste deur eksekuteur ingevorder namens die boedel).
  • Waardasie kostes van bates deur ʼn geswore waardeerder.
  • Advertensiekostes.
  • Bankkostes betrokke by boedelbankrekening.
  • Oordragskostes van eiendom.
  • Begrafniskostes.




T: (011) 789-1605  |  F: (011) 789-7995  |  E: admin@estatesupport.co.za
Blok A, Surreylaan 363, Ferndale, Randburg
Posbus 324, Randburg, Johannesburg, 2125
Boedelbeplanning, Testamente
& Bestorwe boedeladministrasie